எம் ஆர் மோஷன் பிக்சர்ஸ் சார்பில் மகேஷ் செல்வராஜ் தயாரிப்பில் இயக்குனர் எஸ் .சாம் இயக்கத்தில் தேவ், தேவிகா, ஆகாஷ் பிரேம்குமார் ,படவா கோபி, விஜே நிக்கி, சுபாஷினி கண்ணன், பிரவீன், யுவராஜ் கணேசன் ,சுவாதி, திவாகர் ஆகியோர் நடிப்பில் வெளியாகி இருக்கும் ‘யோலோ’
நாயகன் தேவ் யோலோ’ என்று ஒரு யூடியூப் சேனல் முலம் பொதுமக்களை ப்ராங்க் வீடியோ செயது, அதை யூ டியூப்பில் ஒளிபரப்பி செய்து வருகிறார். படவா கோபி மகளான நாயகி தேவிகாவை பெண் பார்ப்தற்காக விஜே நிக்கி அக்கா மற்றும் மாமாவை அழைத்து செல்கிறார்.
நிக்கியின் அக்கா, தேவிகாவை பார்த்து உனக்குத்தான் ஏற்கனவே திருமணம் ஆகிவிட்டதே என்று கூற தேவிகா உட்பட அனைவருக்குமே அதிர்ச்சி அடைகிறார்கள். தேவிகா நான் யாரையும் திருமணம் செய்யவில்லை என்று கூற, உனது கணவர் தேவ் என்றும், உங்களை இருவரையும் ஒன்றாக பார்த்திருப்பதாகவும் கூறிவிடுகிறார் நிக்கியின் அக்கா
ஒரு கட்டத்தில் தேவிகாவுக்கும் தேவுக்கும் திருமணம் ஆனதற்கான பதிவு ஆதாரம் இருப்பது தெரிகிறது.
விஜே நிக்கி ,ஆகாஷ் பிரேம்குமார், கிரி துவாரகிஷ், படவா கோபி, யுவராஜ் கணேசன், ஸ்வாதி நாயர், பூஜா உள்ளிட்ட மற்ற வேடங்களில் நடித்திருப்பவர்கள் அளவாக நடித்து திரைக்கதை ஓட்டத்திற்கு பலம் சேர்த்திருக்கிறார்கள்.
சகிஷ்னா சேவியன் இசையில் பாடல்களும், பின்னணி இசையும் படத்திற்கு பலம் சேர்த்திருக்கிறது.
சூராஜ் நல்லுசாமியின் ஒளிப்பதிவில் படம் முழுவதும் கலர்புல்லாக பயணிக்கிறது.